今个礼拜，前有陈伟霆粉丝集体要求偶像解约，后有阿娇恋上超级富二代。英皇再次抢占晒各大娱乐号头版。
当然，每次英皇一有咩大事都会牵涉到一个人，金牌经纪人霍汶希。今次霍汶希再次陷入争端，就係因为前几日陈伟霆“被”代言嘅事件，有粉丝通过各路消息，得知陈伟霆方疑似代言微商品牌，最紧要嘅係粉丝发现此微商为三无产品。要知道呢家新广告法好严厉，明星代言产品要好谨慎，万一产品出现问题代言人好可能惹祸上身，拒绝大牌美妆Tom Ford嘅邀请，跑嚟代言微商？？？
后来粉丝查出原来係经纪人霍汶希，亲自接嘅代言。粉丝一怒之下决定统一换晒头像，集体@霍汶希叫佢立即撤约。有愤怒嘅粉丝甚至将霍汶希P成代言人，仲开始刷“代言人霍汶希”话题。
一向较为强硬嘅霍汶希终于企出来，发咗微博澄清，表示以后会用心维护艺人形象。
大家要知道，香港金牌经纪人除咗捧红过无数艺人，都“坑”过唔少人，就算最受宠嘅谢霆锋都唔例外。2002年轰动娱乐圈嘅车祸顶包案，谢霆锋被控以妨碍司法公正罪名而判罪，接受社会服务令240小时。霆锋仲因此被香港学生选为2002年最负面人物。
之后退隐咗一年先重回大众视线，谢霆锋进入香港羁留中心惩教所。而霍汶希对于呢件事，除咗发表咗一次道歉声明，就无做过任何公关，可能好多人都觉得事情都发生。
除了道歉都无其他可以做，咁不如我地再睇下其他艺人。
2006年阿娇换衫比人偷拍，霍汶希即刻策划咗个声讨大会，各界人士出席撑场。阿娇发布会上喊到梨花带雨，再次刻画清纯玉女形象，之后呢件事竟然大反转，听讲有英皇前员工啪啪啪打脸，更衣室偷拍係英皇一手策划。因为阿娇一直不够实力，无法单飞，希望借住被偷拍事件谷一谷人气。无谂到一年后就发生艳照门事件，但因为曾经开过嘅呢次声讨大会，阿娇比人闹得更加惨。后来阿娇经历“艳照门”霍汶希即刻开发布会，以“很傻很天真”言论被人笑到今时今日。
后来霆锋嘅病历同个人信息被曝光，霍汶希发咗条长微博
《霆锋想大家听的一番话》：当个人及病历资料，在毫无准备下在网络疯传，心情比手指的痛更痛！不明白为何近年公众把好奇心变成一个理由，可以肆无忌惮的把别人证件号、个人资料等隐私铺上网，并且成为引以为荣的一件事，完全忽视道德！扭曲观念！其实每个人都有隐私也拥有保护隐私的权利，希望尊重自己尊重别人，停止侵犯隐私行为！不要让这种流行现象变成民族的惯性，不要把科技进步成为道德退步的石阶。”
“民族惯性”、“道德退步”全部出晒嚟，而且竟然以霆锋嘅名义讲呢段话，被粉丝留言抨击。霍汶希先承认其实呢段话係自己讲嘅，霍汶希嘅公关手段一直停留喺上世纪，打人情牌压住、再发发微博，压唔到就开发布会，所以好多人都话英皇嘅明星，几乎係一单负面新闻就会毁星途。
谢霆锋係靠自己努力爬翻起身，可见作为经纪人嘅公关能力有几差。
最后一个香港金牌经纪人
虽然霍汶希作为经纪人真係坑，但係咁多年都算尽心尽力，从阿娇艳照门、谢霆锋张柏芝离婚，谢霆锋王菲复合、阿Sa郑中基离婚，阿Sa陈伟霆拍拖到分手，咁多年经历佐无数大风大浪，香港娱乐圈更流传住关于霍汶希嘅故事。佢喺英皇头十年总共就休息咗二十日，更有传言话二十年来。
当年谢贤将霆锋交比杨受成，杨受成又将谢霆锋交比霍汶希，23岁嘅霍汶希就带住16岁嘅谢霆锋，开始闯荡娱乐圈。记得当年谢霆锋头部生瘤，及时发现切除已经痊愈，当时谢霆锋嘅粉丝就喺网上感谢霍汶希，因为係佢最早发现谢霆锋身体出现异常，然后逼佢去医院进行检查治疗。
虽然霍汶希出咗名恶，但係私下同艺人关系几好，上年录十二道锋味，霍汶希听到twins受伤居然坐喺地下喊，唔理係咪做戏，好多人睇到呢幕都有啲感动，其实霍汶希从细就一副明星相。初中嘅时候就比星探发掘开始演戏，16岁开始拍广告就敢同对方讲价，已经开始暴露出经纪人嘅天赋，后来霍汶希考虑进军演艺界。
报考无线点知被淘汰，于是就跟住男朋友叶崇仁做艺人经纪，叶崇仁就係英皇娱乐嘅前身飞图唱片创始人，叶志铭个仔，后来飞图唱片被杨受成收购，霍汶希就顺理成章正式加盟英皇。
1998年岩出道嘅容祖儿因为外表普通，就算再有实力都唔被看好，全靠霍汶希嘅一手打造，逐渐成为乐坛天后。容祖儿都表示有一次自己偷食零食，比霍汶希讲咗句：你一定係想你嘅演艺生涯未开始已经终结。”令佢记到呢家，一直视为人生金句。
当年阿Sa和阿娇几乎係同时签约英皇，霍汶希见到两人形象、气质都好夹，于是2001年将两人组成Twins组合。
Twins一道即走红，18岁红馆开唱，成为历史上最年轻嘅组合，当年Twins第一次收到七位数嘅工资，霍汶希就同佢地讲要好好理财，买楼比买衫重要。阿娇就喺霍汶希嘅劝说下投资房产，赚咗好多，对Twins嚟讲犹如第二个阿妈。虽然霍汶希有捧红人嘅能力，但係有传言话英皇睇人从来唔睇呢啲，只考虑八字同杨受成夹唔夹，可能都係因为咁，霍汶希咁多年嚟公关就算再无能，都一直受重用，被捧成第一金牌经纪。
京公网安备 11010502031185号